സെല്‍ഫ് ഗോള്‍ അടിച്ചവര്‍

header ads

റോബിന്‍ വാന്‍പേഴ്‌സി പ്ലെയര്‍ ഒഫ് ദ ഇയര്‍

ഇംഗ്ലണ്ടിലെ പ്രൊഫഷണല്‍ ഫുട്‌ബോളേഴ്‌സ് അസോസിയേഷന്റെ ഈ വര്‍ഷത്തെ ഏറ്റവും മികച്ചതാരത്തിനുളള പുരസ്‌കാരം ആഴ്‌സനല്‍ സ്‌ട്രൈക്കര്‍ റോബിന്‍ വാന്‍പേഴ്‌സിക്ക്. മാഞ്ചസ്റ്റര്‍ സിറ്റിയുടെ ഡേവിഡ് സില്‍വ, സെര്‍ജിയോ അഗ്യൂറോ, ജോ ഹാര്‍ട്ട് , മാന്‍യുവിന്റെ വെയ്ന്‍ റൂണിയും ടോട്ടന്‍ഹാമിന്റെ സ്‌കോട്ട് പാര്‍ക്കര്‍ എന്നിവരെ മറികടന്നാണ് റോബിന്‍ വാന്‍പേഴ്‌സി ഇംഗ്ലണ്ടിലെ മികച്ച താരമായത്.
വാന്‍പേഴ്‌സിയുടെ ഒറ്റയാന്‍ മികവിലാണ് ആഴ്‌സനലിന്റെ മുന്നേറ്റം. വാന്‍പേഴ്‌സി ഇതുവരെ 38 ഗോളുകള്‍ നേടിയിട്ടുണ്ട്. പ്രിമിയര്‍ ലീഗില്‍ മാത്രം 27 ഗോളുകളും. ഈ സ്‌കോറിംഗ് മികവാണ് റോബിനെ പുരസ്‌കാരത്തിന് അര്‍ഹനാക്കിയത്.
ടോട്ടന്‍ഹാമിന്റെ കെയ്ല്‍ വാക്കറാണ് മികച്ച യുവതാരം. സെര്‍ജിയോ അഗ്യൂറോ, ഗാരെത്ത് ബാലി, അലക്‌സ് ഒക്‌സാഡെ–ചമ്പെരിയന്‍, ഡാനിയേല്‍ സ്റ്റുറിഡ്ജ്, ഡാനി വെല്‍ബാക്ക് എന്നിവരെയാണ് വാക്കര്‍ പിന്തളളിയത്.
ഇതോടൊപ്പം ഈ സീസണിലെ ഓള്‍സ്റ്റാര്‍ പ്രിമിയര്‍ ലീഗ് ടീമിനെയും പ്രഖ്യാപിച്ചു.
ടീം: ജോ ഹാര്‍ട്ട്, കെയ്ല്‍ വാക്കര്‍, വിന്‍സന്റ് കോംപനി, ഫാബ്രിസിയോ കൊളോചീനി, ലെയ്റ്റന്‍ ബെയ്ന്‍സ്, ഡേവിഡ് സില്‍വ, യായ ടൂറെ, ഗാരെത്ത് ബാലി, സ്‌കോട്ട് പാര്‍ക്കര്‍, റോബിന്‍ വാന്‍പേഴ്‌സി, വെയ്ന്‍ റൂണി.

Post a Comment

1 Comments

താരത്തെ പരിചയപ്പെടുത്തിയതിനു നന്ദി